Presidenti Thaçi reagon pas sulmit ndaj Sllobodan Petroviq - Bota Sot
Presidenti Thaçi reagon pas sulmit ndaj Sllobodan Petroviq

Aktuale

Presidenti Thaçi reagon pas sulmit ndaj Sllobodan Petroviq

Nga: G.B Më: 20 mars 2019 Në ora: 14:56
Hashim Thaçi

Presidenti i Kosovës, Hashim Thaçi, ka reaguar pas sulmit ndaj deputetit Sllobodan Petroviq, derisa sulmin e ka quajtur sulm ndaj fjalës së lirë dhe ndaj një përfaqësuesi të zgjedhur të popullit, përcjell Bota sot.

Përmes një postimi në llogarinë e tij në Facebook, ai e ka dënuar sulmin dhe nga institucionet e zbatimit të ligjit ka kërkuar që të sjellin para drejtësisë sulmuesit.

Postimi i tij i plotë në Facebook:

Sulmi ndaj deputetit të Kuvendit të Republikës së Kosovës, Sllobodan Petroviq, i cili është edhe Kryetar i Partisë Liberale Serbe, është sulm ndaj fjalës së lirë dhe ndaj një përfaqësuesi të zgjedhur të popullit. Si President i Republikës së Kosovës e dënoj ashpër këtë sulm dhe nga institucionet e zbatimit të ligjit kërkoj që t’i ndërmarrin të gjitha veprimet e nevojshme që sulmuesit t’i sjellin para drejtësisë. Integrimi institucional dhe pluralizmi politik duhet të jenë vlera të përbashkëta demokratike të të gjithë qytetarëve të Republikës së Kosovës. HTH.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...