Kryetari i Kuvendit të Kosovës, Kadri Veseli, ka shkuar në Agjencinë Kundër Korrupsionit për t’i dhënë përkrahje në punën e saj dhe për të nxitur përshpejtimin e reformave të thella në luftën kundër korrupsionit dhe nepotizimit, përcjell “Bota sot”.
Veseli përmes një postimi në Facebook, ka shkruar se, i kam dhënë mbështetje të plotë propozimit të Ministrit Tahiri që të shqyrtohet lista e zyrtarëve që deklarojnë pasurinë, në mënyrë që jo vetëm pozitat e larta, por të gjitha pozitat publike që mund të paraqesin rrezik për korrupsion, abuzime dhe keqpërdorime të deklarojnë pasurinë.
Postimi i plotë:
Në Agjencinë Kundër Korrupsionit për t’i dhënë përkrahje në punën e saj dhe për të nxitur përshpejtimin e reformave të thella në luftën kundër korrupsionit dhe nepotizimit.
Unë i kam dhënë mbështetje të plotë propozimit të Ministrit Tahiri që të shqyrtohet lista e zyrtarëve që deklarojnë pasurinë, në mënyrë që jo vetëm pozitat e larta, por të gjitha pozitat publike që mund të paraqesin rrezik për korrupsion, abuzime dhe keqpërdorime të deklarojnë pasurinë.
Lufta kundër korrupsionit është lufta më e rëndësishme për shtetin tonë sot. Korrupsionin, së bashku me nepotizmin, do t’i çrrënjosim deri në fund.
Shumë shpejt do të propozoj nisma ligjore dhe veprime konkrete për të ndalë veprimet e tilla që po e lëndojnë besimin në shtetin e Kosovës.
Nuk do të ketë tolerancë ndaj askujt!