Ministri Pal Lekaj ka folur rreth punësimit në Telekom të Doruntina Gashit, e fejuara e djalit të tij, duke thënë se ajo e ka fituar punën me procedura të rregullta.
Lekaj ka thënë se ajo ka aplikuar sipas procedurave, e që ai nuk ka të drejtë t’ia mohojë jë gjë të tillë.
“Nuk e kam re, është e fejuara e djalit. Ka apliku sipas procedurave, ka qenë gazetare, kolege e juaja. A kam të drejtë me i thanë nuk guxon me aplikuar”, ka thënë Lekaj në Debat Plus.
Ai ka thënë se as djemtë e tij nuk i ka punësuar përmes ndikimit politik.
“Dy djem i kam, me fakultet, magjistër, nuk i kam punësuar”, ka shtuar ai.
Kujtojmë se ditëve të fundit janë zbuluar shumë punësime të AAK-së brenda insitucioneve të vendit, duke përfshirë edhe ato në Postën dhe Telekomin e Kosovës.
