Sot ka ndërruar jetë nëna e heroit të kombit Edmond Hoxha, Nurije Hoxha.
Me rastin e vdekjes së saj ngushëllime kanë bërë udhëheqës të institucioneve dhe bashkëluftëtarë të Edit. Familjen Hoxha e ka ngushëlluar edhe kryetari i Kuvendit të Kosovës Kadri Veseli.
Sipas tij Nurije Hoxha ishte një nënë e madhe që do të mbetet gjithnjë emër i nderuar në histori.
Postimi i Veselit në Facebook:
Me dhimbje mora lajmin për vdekjen e lokes Nurije Hoxha, nëna e heroit të kombit Edmond Hoxha. Një nënë e madhe, që do të mbetet përgjithmonë emër i nderuar në historinë e lirisë sonë.