Lëvizja për Bashkim (LB) kërkon nga institucionet e Republikës së Kosovës që të ndjekin shembullin e Republikës së Shqipërisë dhe përmes ndryshimeve të nevojshme ligjore ta pamundësojnë veprimin e lojërave të fatit në vendin tonë.
Duke qenë se lojërat e fatit, më shumë se zgjidhje e problemeve ekonomike dhe të mirëqenies për qytetarët, shkaktojnë probleme të reja për familjet e tyre dhe shoqërinë në përgjithësi, Lëvizja për Bashkim konsideron se mbyllja e tyre do të ishte një hap thelbësor në luftimin e kriminalitetit që do të ndikonte edhe në forcimin e sigurisë publike.
Ndryshe, Shqipëria ka marrë vendim për mbylljen e lojërave të fatit, derisa është vërejtur dukuria e shtimit të tyre në Republikën e Kosovës, ku së fundi ka pasur incidente me epilog fatal.