Reagon Shoqata e Lojërave të Fatit ndaj Avdullah Hotit - Bota Sot
Reagon Shoqata e Lojërave të Fatit ndaj Avdullah Hotit

Aktuale

Reagon Shoqata e Lojërave të Fatit ndaj Avdullah Hotit

Më: 21 mars 2019 Në ora: 18:25
Istref Veliu

Shefi i grupit parlamentar të LDK-së, Avdullah Hoti ka bërë të ditur se partia e tij do të kërkojë nga Kuvendi që të mbajë një seancë të jashtëzakonshme, ku do të kërkojnë pezullimin e aktivitetit të kazinove dhe lojërave të fatit në Kosovë.

Pas kësaj, sot ka reaguar Kryetari i Shoqatës së Lojërave të Fatit, Istref Veliu i cili ka thënë se Hoti përmes kësaj po mundohet të përfitoj politikisht duke përdorur dy vrasjet e fundit që ndodhën në dy lokale të lojërave të fatit.

Veliu përmes një reagimi, e ka quajtur të turpshme iniciativën e Hotit që të thirrë seancë të jashtëzakonshëm e që sipas tij do të përfitoj në emër të viktimave.

“Është e turpshme z.Hoti që viktimat t’i përdorni si arsyetim për thirrjen e një seance të jashtëzakonshme për mbylljen e lojërave të fatit. Sa për sqarim të opinionit, pothuajse që nga paslufta përveç këtyre dy rasteve, nuk ka pasur asnjë rast të krimeve në bizneset e lojërave të fatit. z.Hoti ju me vetëdije duke e ditur ndjeshmërinë e këtij biznesi po e shfrytëzoni situatën politikisht dhe po mendoni se do të përfitoni në opinion” ka thënë Veliu.

Reagimi i potë i Istref Veliut:

Si kryetar i “Shoqatës së Lojërave të Fatit”, në emër të këtyre bizneseve për shkak të pozicionit dhe përgjegjësisë që mbajë , e ndjejë për obligaim të jap një sqarim ( përgjigje) për Avdullah Hotin dhe tendencën e tij që të shfrytëzojë situatën e vrasjet që ndodhën në dy lokale të lojërave të fatit, për përfitime personale politike.

Është e turpshme z.Hoti që viktimat t’i përdorni si arsyetim për thirrjen e një seance të jashtëzakonshme për mbylljen e lojërave të fatit.

Sa për sqarim të opinionit, pothuajse që nga paslufta përveç këtyre dy rasteve, nuk ka pasur asnjë rast të krimeve në bizneset e lojërave të fatit. z.Hoti ju me vetëdije duke e ditur ndjeshmërinë e këtij biznesi po e shfrytëzoni situatën politikisht dhe po mendoni se do të përfitoni në opinion.

z. Hoti po ju rikujtojë se për ju do të duhej të ishte me shqetësuese gjendja e sigurisë në vend, grabitjet me armë në institucionet bankare ( ju ftoj personalisht t’i shihni videot që posedojmë ku shihen njerëzit e armatosur duke përplasur punëtorët në disa biznese të lojërave të fatit) , skandalet në institucionet e sigurisë, vrasja e policit në Istog, vrasja në institucionin më të lart të sigurisë AKI-së madje brenda objektit të këtij institucioni.

Me logjikën tuaj z.Hoti pas këtyre vrasjeve bankat do të duhej të mbyllen bashkë edhe me këto institucione të sigurisë. Po ju kujtojë edhe një iniciativë tuajën në kohën kur keni qenë pjesë e qeverisë ku keni deklaruar se duhet të rregullohet ligji për lojërat e fatit, gjë që edhe ne e kemi përkrahur dhe ju kemi ofruar bashkëpunim ( për vërtetësinë e kësaj po ju bashkangjes një shkrim ku citoheni ju).

Hoti për shkak të pozitës që mbani mos u mundoni që të hidhni mjegull , mos u mundoni që ti kriminalizoni të gjithë. Dhe në fund edhe njëherë z.Hoti ju rikujtojmë që krejt kjo iniciativë e juaja është për një show në parlament ku do të mundoheni që opinionin ta orientoni në tema të tjera e t’i ikni dështimeve dhe situatës së pasigurt që e keni krijuar.
Me respekt Istref Veliu, kryetar i Shoqatës së Lojërave të Fatit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...