Kryetari i Këshillit Kombëtar të Nismës Socialdemokrate, Jakup Krasniqi , ka reaguar pas mbylljes së Kazinove, përcjell “Bota sot.
Krasniqi përmes një postimi në Facebook ka shkruar se: ” Me erdhi mirë që të gjithë njëzëri në Kuvend ishin për mbylljen e Kazinove që disa, mbase edhe kishin provuar të luajnë krejt “rastësisht” apo i kishin lejuar krejt “pahiri”! Apo ka ndodhur, siç ndodhë ndonjëherë, jeton me vite pranë një bukurie të cilën një ditë e vëren krejt rastësisht, siç ndodhin rastësisht mrekullitë?!”
Postimi i plotë:
DISA U KTHYEN NGA MARSI PËR T’I HEQUR KAZINOT
Sot në Kuvend disa folën, sikur se paku 20 vjetet e kaluara kanë jetuar në Mars dhe një ditë, sa qel e mbyllë sytë u kthyen në Tokë dhe e panë të mbushur me Kazino! Sikur edhe ato të ishin bash si tulipanët holandez në pranverë.
Me erdhi mirë që të gjithë njëzëri në Kuvend ishin për mbylljen e Kazinove që disa, mbase edhe kishin provuar të luajnë krejt “rastësisht” apo i kishin lejuar krejt “pahiri”! Apo ka ndodhur, siç ndodhë ndonjëherë, jeton me vite pranë një bukurie të cilën një ditë e vëren krejt rastësisht, siç ndodhin rastësisht mrekullitë?!
Ndonëse, mrekullive nuk u besoj! Po gjithçka është e mundur në vendin tonë krejt "rastësisht"!
Ndërsa, disa që jo pak herë kanë qenë në qeverisjet e pas Pavarësisë, i kisha lutur që qytetarëve të vendit mos t’ua fyejnë inteligjencien!
