MPJ jep detaje lidhur me vrasjen e 7-vjeçarit në Zvicër - Bota Sot
MPJ jep detaje lidhur me vrasjen e 7-vjeçarit në Zvicër

Aktuale

MPJ jep detaje lidhur me vrasjen e 7-vjeçarit në Zvicër

Më: 22 mars 2019 Në ora: 22:28
Pamje nga vendi i ngjarjes

Ministria e Punëve të Jashtme përmes një komunikate për shtyp ka bërë të ditur masat që kanë ndërmarrë pas vrasjes së 7-vjetarit në Zvicër.

Sipas këtij njoftimi, Ambasada e Kosovës në Bern dhe Konsullata në Cyrih kanë komunikuar me autoritetet policore në Zvicër lidhur me rastin e ndodhur si dhe kanë vizituar familjen e viktimës.

Ndër të tjera thuhet se autorja e krimit ka dhënë verzionin fillestar për rastin.

Më poshtë gjeni komunikatën e plotë të MPJ-së:

Ministria e Punëve të Jashtme njofton opinionin publik se sot, gjatë gjithë ditës Ambasada e Republikës së Kosovës në Bernë dhe Konsullata në Cyrih, kanë ndërmarrë të gjitha veprimet dhe masat e nevojshme, në lidhje me rastin tragjik të vrasjes në Bazel, të një 7 vjeçari me prejardhje nga Kosova, nga një e moshuar, shtetase zvicrane.

Për këtë qëllim, personeli konsullor i Cyrihut, ka vizituar qendrën policore në Bazel, e cila është duke u marrë me rastin.

Deri më tani, bazuar në informatat preliminare, të komunikuara nga autoritetet policore, në lidhje me këtë vrasje makabre, është bërë e ditur se autorja e krimit ka dhënë një verzion fillestar, në lidhje me aktin kriminal, ku për pasojë humbi jetën, i riu, I. M.

Me kërkesë të ministrit, Pacolli, personeli diplomatik dhe konsullor i Republikës së Kosovës ka vizituar familjen e të riut, ku i kanë shprehur tronditjen dhe pikëllimin e thellë të qytetarëve dhe institucioneve të Republikës së Kosovës.

Po ashtu, familjarët janë siguruar se Konsullata e Republikës së Kosovës do të jetë në gatishmëri të plotë dhe të vazhdushme, që të ofrojë çfardo përkrahje në këto momente të vështira për familjen.

Konsullata në Cyrih, në kuadër të fushëveprimit të saj, është udhëzuar që të mbajjë komunikim të ngushtë me autoritetet policore dhe të drejtësisë në lidhje me rastin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...