Presidenti i Serbisë, Aleksandar Vuçiq, po i sheh si provokime, aksionet e Policisë së Kosovës në veri, për të mbyllur lojërat e fatit.
“Ata po i testojnë serbët, për të parë se sa janë të gatshëm të reagojnë dhe kundërshtojnë”, ka thënë kreu i shtetit serb, shkruan ‘rts’.
Sipas tij, Kosova po dëshiron që t’ua mbyll të gjitha rrugët e serbëve.
“Ata po dëshirojnë që plotësisht të mbysin shpresat për serbët, që të jetojnë në mënyrë paqësore në veri të Kosovës”, ka thënë ai, teksa ka komentuar aksionet e djeshme të Policisë së Kosovës në veri.
Dje në Parlamentin e Republikës së Kosovës është miratuar edhe Rezoluta e cila kërkon mbylljen e të gjitha llojeve të lojërave të fatit në të gjithë territorin e Republikës së Kosovës.
