Diplomati austriak flet për Rambujenë, thotë se bombardimet e NATO-s ishin jo ligjore - Bota Sot
Diplomati austriak flet për Rambujenë, thotë se bombardimet e NATO-s ishin jo ligjore

Aktuale

Diplomati austriak flet për Rambujenë, thotë se bombardimet e NATO-s ishin jo ligjore

Më: 24 mars 2019 Në ora: 21:55
Foto ilustruese

Dëshmi i marrëveshjes së Rambujesë që si rrjedhojë pati bombardimin e forcave ushtarake serbe prezente në Kosovë, vlerësohet si veprimi që ndali njëherë e përgjithmonë gjenocidin ndaj shqiptarëve.

Por krejtësisht kështu nuk po e vlerëson diplomati austriak, Wolfgang Petrisch.

Sipas tij, shikuar nga aspekti ligjor, bombardimet e NATO-s në Kosovë ishin ilegale.

Kjo pasi që sipas tij, një marrëveshje ushtarake nuk ishte pjesë e negociatave në Rambuje.

“Problemi i Kosovës është i gjatë dhe nuk starton në 1989-tën me Millosheviqin. Ky starton shumë më herët, që nga vdekja e Titos, kur u organizuan protesta në Prishtinë, që çuan në konflikt të mëvonshëm”, tha ai sot.

“Në Rambuje nuk ka pasur diskutime dhe nuk ka qenë pjesë e marrëveshjes pjesa ushtareke. Ka qenë e pamundur që për këtë të diskutohet me Qeverinë e shqiptarëve”,  thotë ai.

Siç shprehet Petrisch, është gabim të mendohet se se ka pasur negociata edhe për planin ushtarak, që quhet “Aneksi B’.

“Formulat e Aneksit B janë marrë nga Marrëveshja e Dejtonit e nënshkruar nga Millosheviqi në vitin 1995. Kjo nuk nënkupton se NATO kishte tendencë të okuponte Jugosllavinë”, tha më tutje ai.

20 vjetori i bombardimeve të NATO-s në Kosovë u përkujtua sot nga të gjithë liderët shtetërorë shqiptarë.

Të gjithë njëzëri  thanë se ky ishte fundi i gjenocidit serb në Kosovë dhe pikënisja e pavarësisë së vendit.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...