Deputetja e Kuvendit të Kosovës, Ganimete Musliu e cila kërkoi shkarkimin e zëvendësministres serbe të drejtësisë në Qeverinë e Kosovës, Vesna Mikiq, ka ironizuar me këtë të fundit pasi u shkarkua nga kryeministri Ramush Haradinaj.
“Përgjigjeje ime ndaj Reagimit te ish zv Ministres se Drejtësisë!”, shkruan Musliu menjëherë pas shkarkimit ku edhe publikoi dokumentin e nënshkruar nga Haradinaj.
Ndërsa, pas kërkesës për shkarkim të Musliu kishte reaguar Mikiq.
Ajo ka thënë se është e drejtë e saj të shprehë opinion.
Sipas saj, ka gjëra më të rëndësishme në parlament se sa të shikohen profilet e të tjerëve.
“Mendoj se ka gjëra më të rëndësishme që duhet t’i drejtosh në parlament, sesa të shikosh në profilet e të tjerëve në Facebook. Sipas ligjit, Musliut i ndalohet të marrë fotografitë dhe tekstet nga profilet private pa lejen e pronarit”, ka shkruar ajo dhe ka shtuar se si është e mundur që Musliu është e painformuar që serbët janë taksapagues të rregullt.
