Haradinaj: Ne i nderojmë të rënët e Krushës duke mos e vjedhur shtetin - Bota Sot
Haradinaj: Ne i nderojmë të rënët e Krushës duke mos e vjedhur shtetin

Aktuale

Haradinaj: Ne i nderojmë të rënët e Krushës duke mos e vjedhur shtetin

Më: 26 mars 2019 Në ora: 12:30
Ramush Haradinaj

Kryeministri Ramush Haradinaj ka marrë pjesë në në tubimin përkujtimor të 20 vjetorit të masakrës në Krushë të Madhe.

Ai para të pranishmëve fillimisht iu drejtua fëmijëve dhe për këtë tha se ka një aryse, njofton Klan Kosova.

“E fillova me fëmijët sepse kam arsye pse e fillova. Është ndjenjë e mirë t’i shohësh fëmijët aty ku është ndalë jeta, por jeta jonë do të vazhdojë edhe pse qëllim ka qenë të ndalet. Kur shkoj në Prekaz dhe po i shoh brezat e rinj atëherë jemi të sigurt që jeta dhe e drejta jonë vazhdon. Në vitin 1999 ishte i drejtë vendimi i NATO-s me ndalë tragjedinë e Kosovës”.

“Në ditën e sotme kujdesi, respekti dhe nderimi i të rënëve është detyrë siç janë botimet, librat, dokumentarët prë ata pasi dëshmitë janë më së të nevojshme. E vërteta jonë e dhimbshme të mund të dëshmohet dhe tregohet. Kur intelektualë dhe të rinj serbë të kërkojnë të vijnë në Kosovë me pa edhe Krushën, do ta kishin më lehtë të kuptonin të drejtën e rajonit tonë”.

Haradinaj tha se nuk mund Serbia t’i jep paqe Ballkanit nëse nuk i njeh krimet e kryera në Kosovë.

“Po i dëgjoj politikanët serbë që mohojnë krimet dhe dhimbjet tonë. Ne kemi dhjetëra vende ku janë vra civilë të pafajshëm, të shumë etnive dhe besimeve. Është e pakuptimtë që Serbia të kërkojë diçka për njohje. Si ka mundësi të mohohet Krusha, Suhareka? Si ka mundësi që Vuçiq, Bërnabiq dhe Daçiq, ta mohojnë të vërtetën, si dëshirojmë t’i japin paqe Ballkanit? Ne edhe me këta të pagjetur kemi shkuar në dialog. Si ka mundësi që ata të i kërkojnë Kosovës të plotësojë kushte për të shkuar në dialog?”

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...