Ish-anëtari i Delegacionit të Kosovës në Konferencën e Rambujesë më 1999, Blerim Shala, ka treguar detaje interesante nga një bisedë e zhvilluar me ambasadorin e një shteti perëndimor në kryeqytetin e Francës.
Shala ka treguar në emisionin “Pressing”, se i ishte thënë se diktatori serb, Sllobodan Millosheviq, do t’i vriste pjesëtarët e Delegacionit sapo të ktheheshin në Kosovë.
Diplomati gjerman, Christian Pauls, “ka qenë kategorik: ‘Mos u ktheni, do t’ju vrasin të gjithëve!'”, ka kujtuar Shala.
“Edhe do të ketë fushatë ajrore, se Millosheviqi nuk do të pranojë”, ka treguar Shala t’i ketë thënë Pauls.
Pjesë e bisedës ka qenë edhe ish-anëtari tjetër i Delegacionit, Veton Surroi, ka thënë Shala.
