Deputeti nga radhët e LDK-së, Lumir Abdixhiku ka reaguar ndaj Pal Lekajt, i cili ka thënë se do ta largonte ambasadorin zviceran nga Kosova, përcjell Bota sot.
Përmes një postimi në llogarinë e tij në Facebook, ai ka thënë se logjika e kapjes është që të mbajnë “të tanët” që mashtrojnë me me 53 milionë në autostradë, punësojnë gjithandej djem e reja dhe të dëbojnë të huajt që me para të taksapaguesve evropianë ndërtojnë ujësjellës, ruajnë kufijtë e lobojnë për ty jashtë.
Postimi i tij i plotë:
Logjika e kapjes:
- Mbajë “të tanët” që mashtrojnë me 53 milionë në autostradë, punësojnë gjithandej djem, reja, kusherinj e familjarë.
- Dëbo “të huajt” që me para të taksapaguesve evropianë ndërtojnë ujësjellës, ruajnë kufinjtë e lobojnë për ty jashtë.
Shkatërruan gjithçka brenda. Tashti rendin e kanë miqtë jashtë. Me rëndësi kapja, kushdo që u del para ka të njëjtin fat.
