Deputeti i Lidhjes Demokratike të Kosovës, Driton Selmanaj, ka komentuar deklaratën e ministrit të Infrastrukturës, Pal Lekajt i cili ka kërkuar largimin e ambasadorit të Zvicrës në Kosovë, Jean-Hubert Lebet, pasi i njëjti kishte thënë në Skenderaj që nuk është në rregull që ndërkombëtarët të paguajnë projekte për ujë të pijshëm, e Kosova të pagujë veteranë të rrejshëm.
Selmanaj e ka cilësuar deklaratën e Lekajt si të pamatur dhe joserioze.
“Ajo ka qenë deklaratë e pamatur, jo serioze. Tash e kanë gjetur si formulë me thanë më kanë keqkuptu deklaratën time. Unë mendoj që do të kishte qenë mirë që deklaratat e tilla të izolohen e të mos mendojnë që po i japim rëndësi. Ambasadorët po bëjnë shumë mirë. Është e vërtet që është rrit shumë numri i veteranëve”, ka thënë Selmanaj.
“Atë fjalë e ka thënë në vendin e duhur. Dëshmorët e Drenicës nuk kanë rënë për veteranë të rrejshëm e për hajna”, shtoi Selmanaj në Debat Plus.
“Deklarata të tilla vinë prej një ministri që punëson reja në institucione publike”.
