Presidenti i vendit, Hashim Thaçi, ngushëlloi pas vdekjes së ish-luftëtares së UÇK-së, Fetnete Ramosaj.
Thaçi deklaroi se Fetnetja ishte publiciste që afirmoi vazhdimisht vlerat e Ushtrisë Çlirimtare të Kosovës.
“Vdekja e hershme e bashkëluftëtares, veteranes dhe aktivistes së njohur Fetnete Ramosaj është humbje e madhe për familjen, miqtë dhe bashkëmendimtarët e saj. Fetnetja ishte publiciste që afirmoi vazhdimisht vlerat e Ushtrisë Çlirimtare të Kosovës. Ngushëllimet më të sinqerta familjes Ramosaj”, shkroi Thaçi.