Deputetët nuk merren vesh për formimin e Komisionit për forcimin e procesit zgjedhor

Aktuale

Deputetët nuk merren vesh për formimin e Komisionit për forcimin e procesit zgjedhor

Më: 12 prill 2019 Në ora: 13:25
Kuvendi i Kosoves

Me 70 deputetë në sallë, për Komisionin ad-hoc për përmirësimin dhe forcimin e procesit zgjedhor, kanë votuar vetëm 49 deputetë. Kështu, në Kuvendin e Kosovës dështoi formimi i këtij komisioni, pikë kjo e cila iu shtua sot rendit të ditës me propozim të deputetit Memli Krasniqi.

Për formimin e këtij komisioni u zhvillua diskutim në seancën e sotme, meqë Partia Socialdemokrate dhe Aleanca për Ardhmërinë e Kosovës propozuan zëvendësimin e shefave të grupeve parlamentare, me deputete femra.

Por në votim doli komisioni me emrat e parë, që ishin Avdullah Hoti, kryesues i komisionit, Memli Krasniqi zëvendëskryesues i parë, Glauk Konjufca anëtar, Dardan Sejdiu anëtar, Ahmet Isufi Anëtar, Sasha Milosaleviq anëtar, Billall Sherifi anëtar, Albert Kinolli zëvëndës kryeues i dytë, dhe Blerta Deliu-Kodra anëtëar, Albulena Haxhiu anëtar dhe Arben Gashi anëtar.

Pritet që pas pauzës në vihet në votim edhe njëherë formimi i komisionit për përmirësimin dhe forcimin e  procesit zgjedhor.

commentFirst article
Sot mund të lexoni Shfletoni kopertinat