Deputeti i Lidhjes Demokratike të Kosovës, Armend Zemaj, në një prononcim për “Bota sot”, ka thënë se, zgjedhjet në LDK janë akt solemn dhe proces shumë i rëndësishëm.
“LDK është parti e qendrës së djathtë andaj ajo përmes zgjedhjeve të brendshme rritet, gjeneron vetveten si dhe e ri konfirmon këtë orientim”, ka thënë Zemaj.
Ai gjithashtu tha se, zgjedhjet e brendshme në LDK synojnë forcimin e mëtejmë të saj duke forcuar kështu edhe besimin qytetarë të cilin e gëzon LDK-ja.
“Procesi është demokratik dhe kjo po vërtetohet çdo ditë në qendrat në të cilat tani më ato kanë përfunduar. Rast të tillë kemi degën e Deçanit prej nga vij edhe unë, ku zgjedhjet e brendshme kanë përfunduar në mënyrën më të mirë të mundshme dhe këtë besoj se do ta gëzojnë të gjitha degët e tjera”, përfundoi Zemaj.