Edhe nëse paga minimale bëhet 700 euro, është vonë: Të rinjtë po ikin nga Kosova - Bota Sot
Edhe nëse paga minimale bëhet 700 euro, është vonë: Të rinjtë po ikin nga Kosova

Aktuale

Edhe nëse paga minimale bëhet 700 euro, është vonë: Të rinjtë po ikin nga Kosova

Më: 18 prill 2019 Në ora: 00:57
Pamje nga ikja nga Kosova

Kryetari i Sindikatës së Sektorit Privat, Jusuf Azemi, ka thënë se ngritja e pagës minimale në Kosovë nuk ngjallë shpresë të punëtorët e sektorit privat, pasi që këta të fundit e kanë ndarë mendjen për të ikur jashtë vendit.

Azemi, në “Dossier D” ka thënë se ngritja e pagës minimale në sektorin privat tashmë është veprim i vonuar dhe vështirë se mund të ketë efekt.

“Vërtet edhe nëse sot punëtorëve të sektorit privat u ofrojmë pagë 700 ose 1,000 euro është e kotë sepse në mendjen e punëtorëve të sektorit privat ka hyrë rrugëtimi për të ikur jashtë, sepse ka humbur shpresa dhe dinjiteti i këtyre punëtorëve”.

Ai shtoi se institucionet shtetërore nuk janë marrë seriozisht me këtë çështje pavarësisht vërejtjeve që sindikata u ka tërhequr.

“Defakto kjo më nuk do të jetë pagë minimale por pagë e pleqve sepse tanimë shumica e të rinjve kanë ikur ose po ikin dhe Kosova tashmë po zbrazet”, përfundoi ai.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...