Zgjedhjet në veri, aplikon vetëm PDK-ja - Bota Sot
Zgjedhjet në veri, aplikon vetëm PDK-ja

Aktuale

Zgjedhjet në veri, aplikon vetëm PDK-ja

Më: 18 prill 2019 Në ora: 08:25
Foto ilustrim

Ndonëse sot është afati i fundit për partitë politike që të aplikojnë në Komisionin Qendror të Zgjedhjeve (KQZ) për pjesëmarrje në zgjedhjet për katër kryetarët e komunave të veriut të Kosovës, deri dje në orën 18:00 vetëm Partia Demokratike e Kosovës ka aplikuar për certifikim.

Kryetarja e KQZ-së, Valdete Daka, ka bërë të ditur se deri sot në mesnatë është afati i fundit për aplikim dhe se brenda KQZ-së do të diskutohet nëse do të ketë nevojë për afat shtesë. “Deri të enjten në mesnatë është afati i fundit për aplikim dhe do të shohim se sa parti politike do të aplikojnë, pastaj do të diskutojmë çka do të ndërmarrim, pra nëse do të duhet afat shtesë ose jo”, ka thënë Daka.

Njohës të çështjeve politike konsiderojnë se aplikimi me vonesë për pjesëmarrje në zgjedhjet në veri është praktikë e mëhershme e partive politike serbe dhe se një gjë e tillë ka edhe tendenca frikëndjellëse prej Listës Serbe për ata që nuk janë pjesë e saj.

Pas dorëheqjeve të katër kryetarëve serbë të Mitrovicës së Veriut, Leposaqviqit, Zveçanit dhe Zubin Potokut, presidenti i Kosovës Hashim Thaçi i ka shpallur zgjedhjet e jashtëzakonshme, që do të mbahen më 19 maj 2019./Zëri

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...