Të enjten do të protestohet para Ministrisë së Mbrojtjes për parregullsitë në konkursin e fundit në FSK.
Disa të rinj, do të protestojnë të enjten para Ministrisë së Mbrojtjes, shkruan lajmi.net.
Kjo protestë do të mbahet kundër parregullsive në konkurset e institucioneve shtetërore e në veçanti ndaj konkursit të fundit në Forcën e Sigurisë së Kosovës.
Sipas njoftimit, kjo protestë nuk ka të bëj me asnjë parti politike.
Tubimi i protestuesve do të bëhet në sheshin “Skënderbe”, me fillim prej orës 12:00 e më pas do të vazhdohet marshi drejt Ministrisë së Mbrojtjes.
Njoftimi i plotë:
Njoftohen të gjithë qytetarët e Republikës së Kosovës se me datë 25.04.2019, ditë e enjte protestojmë kundër parregullsive në konkurset që po hapen në institucionet shtetërore.
Ju ftojmë të bashkëngjiteni me ne në këtë aksion anti-korrupsion.
Vlen të ceket se protesta nuk ka të bëj me asnjë parti politike, është organizuar nga shumë të rinj të dëshpëruar nga konkursi i fundit në FSK dhe kërkojnë të drejtat e tyre!.
Tubimi i protestuesve do të bëhet tek sheshi “Skënderbe”, në Prishtinë në ora 12:00, duke vazhduar marshim drejt Ministrisë së Mbrojtjes.
