Arrest shtëpiak për dhjetë gra të kthyera nga Siria - Bota Sot
Arrest shtëpiak për dhjetë gra të kthyera nga Siria

Aktuale

Arrest shtëpiak për dhjetë gra të kthyera nga Siria

Më: 23 prill 2019 Në ora: 21:15
Të kthyerat nga Siria

Gjykata Themelore në Prishtinë ka vendosur lidhur me kërkesën e Prokurorisë Speciale të Republikës së Kosovës për caktimin e masës së arrestit shtëpiak kundër të pandehurave V.B, F.D, F.L, N.H, A.Z, V.K, H.K, L.L, S.S dhe M.A.

Masa e arrestit shtëpiak është caktuar për shkak të veprës penale Bashkimi apo pjesëmarrja në ushtrinë ose policinë e huaj, në formacionet e jashtme paraushtarake ose para policore, në organizimet grupore apo individualisht jashtë territorit të Republikës së Kosovës, nga neni 3 par.3 të ligjit për ndalimin e bashkimit në konflikte të armatosura jashtë territorit të vendit, ligji Nr.05/1-002 dhe “Organizimi dhe pjesëmarrja në grup terrorist nga neni 143 parragrafi 2 i KPK-së.

Siç njofton Gjykata Themelore, të pandehurave V.B, F.D, F.L, N.H, A.Z, V.K, H.K, L.L, S.S dhe M.A, iu është caktuar masa e arrestit shtëpiak në kohëzgjatje prej një muaj për secilën veç e veç, duke filluar nga data 23.04.2019 deri më datë 23.05.2019.

Gjykata ka caktuar masën e arrestit shtëpiak kundër këtyre të pandehurave bazuar në nenin 187 par.1 nënpar.1.1 dhe 1.2 pika 1.2.1, 1.2.2 dhe 1.2.3 të Kodit të Procedurës Penale të Republikës së Kosovës.

“Ekziston dyshimi i bazuar se të pandehurat V.B, F.D, F.L, N.H, A.Z, V.K, H.K, L.L, S.S dhe M.A që nga viti 2014 e deri me datë 20.04.2019, kanë qenë në zonën e konfliktit Siri-Irak’, thuhet në njoftim.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...