Deda thotë se Thaçi dhe Vuçiq nuk do të jenë të kënaqur me vendimet e samitit të Berlinit - Bota Sot
Deda thotë se Thaçi dhe Vuçiq nuk do të jenë të kënaqur me vendimet e samitit të Berlinit

Aktuale

Deda thotë se Thaçi dhe Vuçiq nuk do të jenë të kënaqur me vendimet e samitit të Berlinit

Më: 23 prill 2019 Në ora: 23:52
Ilir Deda

Deputeti i Kuvendit të Kosovës Ilir Deda ka folur në emisionin ‘DPT te Fidani’ në T7 rreth pritjeve nga samiti i Berlinit në të cilin Kosova do të përfaqësohet nga kryeministri Ramush Haradinaj dhe presidenti Hashim Thaçi.

Ilir Deda thotë se në kryeqytetin gjerman do të flitet për vazhdim të dialogut në mes të Kosovës dhe Serbisë.

Ai është i bindur se atje nuk do të ketë vendim për ndryshim të kufijve të Kosovës.

“Atje do të diskutohet për ecjen më tutje të procesit ndërmjet Kosovës dhe Serbisë. Të shohim çka do të dalë në letër’.

Marrë parasysh që ‘Gjermania nuk pranon ndarjen e Kosovës’ deputeti pret që vendimet e atjeshme të mos pëlqehen nga presidentët e Kosovës dhe Serbisë.

“Presidenti Vuçiq dhe Thaçi nuk do të jenë të kënaqur me vendimet në Berlin’, tha Deda.

Ai thotë se po ky samit do të sqarojë nëse në Kosovë do të ketë zgjedhje të parakohshme.

“Do të sqarojë a do të ketë zgjedhje shpejt”, tha Deda.

Sipas tij, provokim për zgjedhje mund të ketë prej ‘atyre që e përkrahin ndarjen e vendit’.

“Ndoshta edhe mund të shkojmë në zgjedhje, nuk e di. Duhet të jemi të përgatitur edhe për rotacion”, shtoi Deda.

Takimi i organizuar në Berlin nga Kancelarja Angela Merkel dhe presidenti francez, Emmanuel Macron, në të cilin u ftuan të merrnin pjesë udhëheqësit e Ballkanit do të mbahet më 29 prill në Berlin.

Ndryshe nga vendet e tjera, Kosova dhe Serbia do të përfaqësohen në këtë samit edhe me presidentët.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...