Zëvendësministri i Mbrojtjes, Burim Ramadani, ka njoftuar se është takuar me udhëheqësit e Agjencisë së Shërbimeve të Navigacionit Ajror (ANSA) , të prirë nga drejtori Bahri Nuredini e zëvendësdrejtori Shpetim Selmanaj, ku kanë didkutuar për fushat e përgjithshme, përcjell “Bota sot”.
Këtë e ka bërë të ditur përmes një postimi në Facebook, ku ka thënë se, takimet dhe bashkëbisedimet koordinuese me institucionet e fushave të sigurisë janë vazhdimisht rruga për zhvillimin e përbashkët përpara.
Postimi i plotë:
Takimet dhe bashkëbisedimet koordinuese me institucionet e fushave të sigurisë janë vazhdimisht rruga për zhvillimin e përbashkët përpara.
Me udhëheqësit e Agjencisë së Shërbimeve të Navigacionit Ajror (ANSA) , të prirë nga drejtori Bahri Nuredini e zëvendësdrejtori Shpetim Selmanaj, diskutuam për fushat e përgjithshme të bashkëpunimit.
Konsolidimi i të gjitha dimensioneve të sigurisë dhe koordinimi i tyre është prioritet.