Kosova dhe Shqipëria do të përforcojnë edhe më tutje bashkëpunimin diplomatik.
Kështu ka bërë të ditur edhe ministri për Evropë dhe Punë të Jashtme i Shqipërisë, Gent Cakaj mbrëmë gjatë një emisioni televiziv.
Cakaj nuk e ka mohuar mundësinë që diplomatë kosovarë të emërohen në poste të larta diplomatike në vendet që nuk e kanë njohur Kosovën shte.
Gjithashtu edhe Ministria e Jashtme e Kosovës në një përgjigje për lajmi.net janë shprehur se ekziston bashkëpunim i shkëlqyeshëm ndërministror midis dy vendeve.
Gjithashtu, nga Zyra Për Media e kësaj ministrie thuhet se ideja e emërimit të diplomatëve kosovarë nëpër vendet që nuk e kanë njohur Kosovën është iniciativë e viteve të kaluara.
Por ky bashkëpunim nuk po i pëlqen aspak Serbisë. Në mediat serbe sot është shkruar në lidhje me këtë, duke e quajtur edhe si veprim skandaloz të të dy vendeve.
Mediat më të mëdha serbe e kanë diskutuar bashkëpunimin ndërministror midis Kosovës dhe Serbisë, duke thënë se veprimet e koordinuara midis dy shteteve do të ndikojnë në fuqizimin e Kosovës.
Gjithashtu, ata kanë thënë se prejardhja e ministrit të Jashtëm të Shqipërisë është ndikuese në këto vendime të qeverisë shqiptare.
