Tahiri: Agjentët tanë u infiltruan në zonat e luftës dhe shpëtuan qytetarët e Kosovës - Bota Sot
Tahiri: Agjentët tanë u infiltruan në zonat e luftës dhe shpëtuan qytetarët e Kosovës

Aktuale

Tahiri: Agjentët tanë u infiltruan në zonat e luftës dhe shpëtuan qytetarët e Kosovës

Më: 25 prill 2019 Në ora: 18:13
Abelard Tahiri

Ministri i Drejtësisë, Abelard Tahiri, për herë të parë ka dhënë detaje rreth aksionit të kthimit të 110 kosovarëve nga Siria.

Ministri i Drejtësisë, Abelard Tahiri, e quajti aksion të mirë organizuar por edhe me risk. Deklaroi se zyrtarë kosovarë ishin infiltruar e qëndruar një kohë të caktuar në Siri për të identifikuar qytetarët kosovarë atje.

“Zyrtarët e shtetit të Kosovës kanë qenë në kamp dhe kanë qenë në zonat e luftës në Siri që kanë treguar një përgjegjësi të lartë. Për atë arsye ky trejavëshi i fundit ka qenë edhe një lloj traume edhe për mua. E kam menduar se çka do të ndodh nëse këta zyrtarë sulmohen”, tregoi  Tahiri.

Tahiri tha se në këtë aksion partneri kyç kishte qenë SHBA, por edhe shtete të tjera të cilat kanë kërkuar të mos përmenden, i cili shtoi se kthimi i qytetarëve u bë direkt nga Siria në Kosovë.

“Sa i përket kthimit të tyre mos më kërkoni sepse nuk mund të bëj të ditura detajet. Ata janë kthyer direkt nga Siria ashtu siç ka njoftuar edhe ushtria amerikane që na ka ndihmuar në kthimin e tyre në Kosovë”, tha Tahiri.

Ministri shtoi se nuk ka rrezik nga të kthyerit nga Siria në Kosovë.

Sipas tij, institucionet i kanë nën mbikëqyrje të vazhdueshme dhe ata qytetarë do të trajtohen e rehabilitohen.

“Nuk ka arsye për t’u frikësuar nga persona, pasi gjendja e sigurisë në vendin tonë është e qetë. Sulmet e organizatave terroriste në vendin tonë janë pothuajse të pamundshme për shkak të efikasitetit të strukturave tona të sigurisë”, tha Tahiri.

Tutje ministri Tahiri tha se numri të kthyerve para aksionit të 19 Prillit, të cilët janë kthyer në forma të ndryshme jo nga shteti është 135 ndërkaq rreth 63 kosovarë të tjerë vazhdojnë të mbesin atje.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...