Kryeministri Ramush Haradinaj deklaroi se të pagjeturit janë plagë e hapur dhe dhembje e vazhdueshme prej 20 vitesh.
Pasi bëri homazhe së bashku me presidentin Hashim Thaçi, Haradinaj zgjodhi rrjetin e tij social Facebook për të premtuar se institucionet e vendit nuk do të rreshtin së kërkuari të pagjeturit dhe drejtësi për viktimat e luftës.
“Të pagjeturit janë plagë e hapur dhe dhembje e vazhdueshme për secilin nga ne, tash e njëzet vjet. Institucionet e vendit nuk do të rreshtin së kërkuari të pagjeturit dhe drejtësi për viktimat e luftës. Plagët e konfliktit të fundit nuk mund të mbyllën dhe nuk mund të ketë paqe të qëndrueshme pa ndriçimin e plotë të të vërtetës së luftës në Kosovë”, shkroi Haradinaj.
