Kryetari i rizgjedhur i Degës së Partisë Demokratike të Kosovës (PDK) në Klinë, Sokol Bashota, është shprehur i bindur se në zgjedhjet e ardhshme ky subjekt politik do të jetë numër një në vend.
Për “Epoka e re”, Bashota ka thënë se vetëm me një qeveri të udhëhequr nga PDK-ja mund të kthehet besimi i qytetarëve në institucionet e vendit qoftë në nivelin lokal, qoftë në atë qendror.
Ai nuk është shprehur i kënaqur me punën aktuale të koalicionit qeverisës në qendër, duke theksuar se qeveria aktuale lë shumë për të dëshiruar.
Bashota ka treguar se tashmë i ka tejkaluar problemet me bashkëpartiakët të cilët e kishin sabotuar në zgjedhjet e fundit.
