Komisioni Qendror Zgjedhor (KQZ), ka bërë tërheqjen e shortit për renditjen e subjekteve politike dhe kandidatëve në fletëvotimet e zgjedhjeve të jashtëzakonshme për kryetarë në 4 komunat veriore, ku PDK ka numrin 61, Lëvizja Vetëvendosje 60 dhe Lista Serbe 62.
Zëdhënësi i KQZ-së, Valmir Elezi, tha se prej më shumë se tri javësh janë duke punuar pa ndërprerë për organizimin e këtyre zgjedhjeve të jashtëzakonshme dhe se të gjitha përgatitjet e procesit zgjedhor janë duke vijuar sipas planifikimeve.
Elezi: Tërheqja e shortit tregues se jemi më afër ditës së zgjedhjeve
“Deri më tani janë realizuar shumë detyra dhe kanë mbetur edhe disa sosh tani kur kemi vetëm më pak se tri javë të tjera deri ën ditën e zgjedhjeve, e cila është më 19 maj. Në përgjithësi përgatitjet janë duke shkuar sipas planifikimeve të Komisionit Qendror të Zgjedhjeve të bëra me planin operacional që është miratuar nga ana e KQZ-së. Pa dyshim se tërheqja e shortit për renditjen e subjekteve politike në fletëvotim është një tregues se jemi më afër ditës së zgjedhjeve”, tha Elezi.
Kandidatët e Lëvizjes Vetëvendosje do të jenë:
Leposaviq – Fisnik Veseli
Zubin Potok – Liridona Kahrimani
Zveçan – Avdi Peci
Mitrovicë e Veriut – Erden Atiq
Kandidatët e Partisë Demokratike të Kosovës (PDK) do të jenë:
Leposaviq – Shaqir Hetemi
Zubin Potok – Hysen Mehmeti
Zveçan – Ilir Peci
Mitrovicë e Veriut – Gonxhe Çaushi
Kandidatët e Listës Serbe do të jenë:
Zveçan – Vuçina Jankoviq
Leposaviq– Zoran Todiq
Mitrovicë e Veriut – Goran Rakiq
Zubin Potok – Srgjan Vuloviq.
