Ish-komandanti i Ushtrisë Çlirimtare të Kosovës, Hisen Berisha ka reaguar pas një shkrimi të kolonelit shqiptar Dilaver Goxhaj.
Berisha, i cili ishte komandant në Koshare, përmes një shkrimi dërguar gazetës “Bota sot”, thotë se, beteja e Koshares është hartuar si plan lufte, ku janë stërvitur ushtarët, janë armatosur dhe u prinë nga burrat oficer të Kosovës të cilët artin ushtarak e kishin mësuar në Zagreb.
“Vite para kësaj Beteje, këta burra që ju po i etiketoni u rreshtuan kundër ushtrisë serb edhe në luftërat tjera në ish Jugosllavi. Në Tiranë u organizuam nën komandën e Kolonel Ahmet Krasniqit, nën shembullin e Gjergj Kastriotit e nën flamurin kombëtarë, u vendosëm në një repart të ish ushtrisë shqiptare të braktisur, tashmë të shndërruar në një stallë bagëtish”, shkruan Berisha në shkrimin e tij.
Berisha tregon se si u forua GO3, si jaën stërvitur ushtarët për mision, ndërsa oficerët komandues janë harmonizuar dhe si e kanë planifikuar sulmin me imtësi.
“Ja arritëm zoti Kolonel! Sepse sekreti i atij suksesi ishte uniteti i forte midis ushtareve e ushtarakëve në Betejën e Koshares. Dy dekada pas këtij suksesi, Presidenti i Republikës së Kosovës Zotëri Hashim Thaçi, nderoi Betejën e Koshares, Brigadën 138 – “Agim Ramadani” si njësi ushtarake e UÇK e cila e zhvilloi operacionin, si dhe të gjithë ushtarët, oficerët komandues dhe dëshmorët e kësaj Beteje”, shkruan tutje Berisha.
“Kolonel Goxhaj, në Betejën e Koshares, poezia dhe kënga kanë qenë muza jonë dhe dy elemente që kanë plotësuar njëra tjetrën, kanë frymëzuar ushtarët në vijat e luftës prandaj këtij reagimi dua që pikërisht përmes poezisë së autorit Hamit Alia, poetit shqiptarë të lindur në fshatin Kasaj të Tropojës, aty ku unë zhvillova Betejën e Koshares (si dhe luftimet për zmbrapsjen e invadimit serb në territorin e Republikës së Shqipërisë, detyre të cilën ju nuk e realizuar)”, shkruan ndër tjera Berisha.
Ja shkrimi i plotë:
Komentim ndaj shkrimin të Goxhajt, me titull, "Gjeneral, ka dava Kosharja"
I nderuar Kombi im Shqiptarë!
Për hir tuajin dhe në emrin tuaj po i përgjigjem, pas dy sulmeve ish-Kolonelit të Ushtrisë Popullore të RPSSH – Kolonel Dilaver Goxhaj:
Beteja e Koshares ç’është e vërteta plotësisht u hartua si plan lufte, u stërviten ushtarët , i armatosen dhe u prinë burrat oficer të Kosovës të cilët artin ushtarak e kishin mësuar në Zagreb, e kudo tjetër në ish-Jugosllavi.
Vite para kësaj Beteje, këta burra që ju po i etiketoni u rreshtuan kundër ushtrisë serb edhe në luftërat tjera në ish Jugosllavi.
Në Tiranë u organizuam nën komandën e Kolonel Ahmet Krasniqit, nën shembullin e Gjergj Kastriotit e nën flamurin kombëtarë, u vendosëm në një repart të ish ushtrisë shqiptare të braktisur, tashmë të shndërruar në një stallë bagëtish.
Në kushte të tilla formuam GO3 (Grupin Operativ 3), stërvitem ushtarët për mision, oficerët komandues u harmonizuam ndërshej veti, planifikuam sulmin në imtësi, hartuam strategjinë, rrokëm armët dhe u vendosem në krye te atij rreshti ushtaresh për të çliruar Kosovën.
Ja arritëm zoti Kolonel! Sepse sekreti i atij suksesi ishte uniteti i forte midis ushtareve e ushtarakëve në Betejën e Koshares. Dy dekada pas këtij suksesi, Presidenti i Republikës së Kosovës Zotëri Hashim Thaqi, nderoi Betejën e Koshares, Brigadën 138 – “Agim Ramadani” si njësi ushtarake e UCK e cila e zhvilloi operacionin, si dhe të gjithë ushtarët, oficerët komandues dhe dëshmorët e kësaj Beteje.
Kolonel, përpara sulmit tonë ishte Korpusi i tretë i Gjeneral Lazarevicit,i cili pas studimit të hollësishëm të operacioneve luftarake gjatë ditëve të luftës në Koshare, vije në përfundim dhe e quan “Bitka na Koshare”, në gjuhen shqipe për Ju z. Kolonel Beteja e Koshares!
Debati i personazheve në këtë Betejë, i cili po zhvillohet në distancë por mbështetur mbi argumentet shkencore ndërmjet Ne oficerëve që drejtuam operacionin për çlirimin e Kosovës dhe gjeneralëve serb të cilët kishin për detyrë ta ndalnin këtë çlirim me ushtritë e tyre, ka sjellë deri të përfundimi shkencorë se operacioni i luftimit i zhvilluar me dt. 09 Prill, 1999, të njihet si dita e parë e Betejës së UÇK në Koshare.
Mbështetur në analizën moderne që bëjnë ushtritë dhe oficerët profesionist, armata që e braktisë arenën luftës është ushtria humbëse.
Ky është epilogu të cilin nuk mundësh me e ndryshua me shkrimet tuaja, ka për tendencë përçarjen e kombit shqiptarë dhe destabilizimin e Republikës së Kosovës.
Nuk do t’ia arrini, prandaj ik nga kjo temë dhe shijo pa kompleks e xhelozi sukseset e ish-Komandantit të Betejës së Koshares, tashmë Ministrit të Mbrojtjes së Republikës së Kosovës, z. Rrustem Berisha dhe stafit të tij, në formimin dhe përgatitjen në bazë të doktrinave moderne të NATO, të armatës së re të Republikës së Kosovës.
Ish oficerët e Akademive jugosllave që ju z. Kolonel i përçmoni e fituan luftën dhe nën shembullin e Heroit Kombëtar Gjergj Kastrioti po e mbrojnë lirinë dhe token e bekuar të Kosovës.
Desha me iu thurë lavdi Heronjve të kombit shqiptarë por po më kujtohen Gjeneralët e shokut Tito, Ivan Millutinovic dhe Llolla Ribar të cilët ju ende i mbani në listën e heronjve kombëtarë shqiptarë prandaj po hezitoj, mirë po, po dua të thurë lavdi nderim dhe respekt për të gjithë burrat e gratë që u rreshtuan pas Flamurit kombëtarë dhe trimërisht i mundën ushtritë okupatore serbo – ruse në Kosovë.
Kolonel Goxhaj, në Betejën e Koshares, poezia dhe kënga kanë qenë muza jonë dhe dy elemente që kanë plotësuar njëra tjetrën, kanë frymëzuar ushtarët në vijat e luftës prandaj këtij reagimi dua që pikërisht përmes poezisë së autorit Hamit Alia, poetit shqiptarë të lindur në fshatin Kasaj të Tropojës, aty ku unë zhvillova Betejën e Koshares (si dhe luftimet për zmbrapsjen e invadimit serb në territorin e Republikës së Shqipërisë, detyre të cilën ju nuk e realizuar), prandaj lexojeni këtë poezi që unë po e vendosi si përkrenaren e reagimit tim:
Hamit Aliaj
HINGËLLON NJË KALË KU BASHKOHEN DY DRINAT
Hingëllin një kalë ku bashkohen dy Drinat,
Herë gjog i bardhë, herë vrâç i zi,
Bardhon si Drini i bardhë, zezon si Drini i Zi
Ah, hingëllimë, e mnershme hingëllimë
Rrënqeth malin me emrin e dridhshëm Pikëllimë !
Është kalë a fantazmë?!
Fantazma janë parë te dalin nga ujrat,
Fantazma janë parë të zbresin nga mali,
Po kurrë s’është degjuar për një fantazmë kali!
Fantazmë kali, nga ç’dimër vjen ti?
Patkoin e hënës hedh përmbi Dri !
Dimëron në shi qysh nga Mesjeta
Ku lufta s’prani në pllaja të shkreta,
Me statuja mbretërish - fantazma mbi shpinë
Tërmete bien sa herë hingëllin
Sa nuse hënore mbajte mbi shpindë
Si e ndjen veten rrethuar me çengi
Që shpikin përditë Skenderbe të ri ?
Ah gjog i bardhë,ah vraç i zi
Ditën - Dri i Bardhë,
Natën - Dri i Zi !
Fantazmë kali, pse i trembesh kësaj toke?
Patkoin e hënës gjuan në qiej Europe!…
Fantazmë kali, nga ç’dimër vjen ti ?
Patkoin e hënës lëshon përmbi Dri…
Çartanët e çartur me Çarter çajnë retë,
Me jahte çartanët, mbi dete e pushtete,
Po, hypur mbi kalë i ëndërrojnë statujat e veta
Ç’tërmete ndjen atje mbi Pikëllimë?
Çfarë shenjash Mesjete të zbardhin, të nxijnë ?!…
