Sejdiu: Sulmet ndaj PSD-së nuk mund ta maskojnë faktin se LDK-ja ka qeverisur me PDK-në - Bota Sot
Sejdiu: Sulmet ndaj PSD-së nuk mund ta maskojnë faktin se LDK-ja ka qeverisur me PDK-në

Aktuale

Sejdiu: Sulmet ndaj PSD-së nuk mund ta maskojnë faktin se LDK-ja ka qeverisur me PDK-në

Nga: A.SH Më: 15 maj 2019 Në ora: 21:44
Dardan Sejdiu

Shefi i grupit parlamentar të PSD-së Dardan Sejdiu ka reaguar ndaj Avdullah Hotit, duke thënë se paska bërë edhe një përpjekje për ta maskuar paaftësinë e tij në sfidimin e qeverisë duke e sulmuar PSD-në.

Ai përmes një postimi në Facebook ka shkruar se, paaftësinë e tij në bashkërendimin opozitar nuk mund ta maskojë me faktin se me Kadri Veselin ka pasur bashkëqeverisje Avdullah Hoti e jo Partia Socialdemokrate.

Postimi i plotë:

Si shef i GP të LDK-së, Avdullah Hoti paska bërë edhe një përpjekje për ta maskuar paaftësinë e tij në sfidimin e qeverisë duke e sulmuar PSD-në.

Paaftësinë e tij në bashkërendimin opozitar nuk mund ta maskojë me faktin se me Kadri Veselin ka pasur bashkëqeverisje Avdullah Hoti e jo Partia Socialdemokrate.

Sulmet ndaj PSD-së nuk e maskojnë as partneritetin e tij të djeshëm me Kadri Veselin dhe as paaftësinë e tij të sotme për ta sfiduar sot pushtetin e Kadri Veselit.

Nënshkrimet e PSD-së për rrëzimin e qeverisë i ka moti Avdullah Hoti, por edhe gatishmërinë e vullnetin për ta ndërtuar strategjinë e përbashkët opozitare.

Por, sigurisht se vullneti dhe gatishmëria e PSD-së nuk mjaftojnë për ta bërë më efikas dhe më të suksesshëm Avdullah Hotin.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...