Botuesi i gazetës kombëtare “Bota sot”, Xhevdet Mazrekaj thotë se ditë të mira po na presin, pasi filloi demolomi i klanit pro-rus.
Mazrekaj, përmes një postimi në facebook, thotë se, pasi zëvendëskancelari i Austrisë, Strache dha dorëheqje nga pozita e tij, e mira e gjithë kësaj është se, nga skena politike pritet që të zhduken, Mogherini, Thaçi, Rama dhe këshilltari i Stanishiqit, Baton Haxhiu.
Mazrekaj, beson se prapa rrënimit të kësaj ideje dhe klanit rus qëndrojnë së paku dy shtete të fuqishme, mike të shqiptarëve.
Ja postimi i plotë:
Ditë të mira po na presin, filloi demolimi i klanit pro-rus
Zëvendës-kancelari austriak Heinz-Christian Strache, dha dorëheqje 18 orë pas publikimit të një video-skandali, ku shihet teksa shfaqë gatishmërinë për t'i siguruar rusëve mbështetje politike.
Me këtë filloi demolimi i qeverisë pro-ruse në Austri, e cila njihet si promotori kryesor i planit për korrigjimin e kufirit Kosovë-Serbi.
Kujtoj se kjo ide famëkeqe u promovua pikërisht në Austri.
Tani, e mira e gjithë kësaj është se, nga skena politike pritet të zhduken, Mogherini, Thaçi, Rama, si dhe ish këshilltari i Stanishiqit, tani këshilltari i tyre, Baton Haxhiu.
Unë besoj shumë se, prapa rrënimit të kësaj ideje dhe klanit pro-rus, qëndrojnë së paku dy shtete të forta, mike të shqiptarëve.
