Ish-kryeministri i Kosovës, tani kryetari i LDK-së, Isa Mustafa, e ka konfirmuar se do të takohet me kryetarin e Lëvizjes Vetëvendose, Albin Kurtin.
Mustafa, përmes një postimi në Facebook, thotë se do t’i dërgoj ftesë edhe Shpend Ahmetit për takim, transmeton gazeta “Bota sot”.
E ky takim, do të zhvillohet për mocionin e mosbesimit ndaj Qeverisë dhe përmbysjen e koalicionit PAN.
“Miq të nderuar,
Gjatë kësaj jave do të takohemi me Kryetarin e Lëvizjes Vetëvendosje, z. Kurti për të bashkërenditur veprimet për mocionin e mosbesimit ndaj Qeverisë aktuale dhe përmbysjen e Koalicionit PAN. Po ashtu, gjatë javës, do të ftoj edhe Kryetarin e PSD-së, z. Ahmeti të diskutojmë dhe të merremi vesh për veprime të përbashkëta”, shkruan Mustafa.
