Kryetari i LDK-së, Isa Mustafa gjatë ditës së sotme është takuar me Përfaqësuesen e Posaçme të BE-së dhe Shefe e Zyrës së BE-së në Kosovë, Nataliya Apostolova.
Përmes një komunikate për media, LDK ka njoftuar se është diskutuar për situatën aktuale politike në vend, përcjell Bota sot.
Mustafa e ka njoftuar Apostolovan për qëndrimet e LDK-së për proceset nëpër të cilat po kalon Kosova dhe e ka falënderuar për mbështetjen ndaj Kosovës.
Komunikata e plotë:
Kryetari i LDK-së, Isa Mustafa gjatë ditës së sotme është takuar me Përfaqësuesen e Posaçme të BE-së dhe Shefe e Zyrës së BE-së në Kosovë, Nataliya Apostolova.
Temë diskutimi ishte situata aktuale politike në Kosovë.
Kryetari Mustafa e njoftoi znj. Apostolova për qëndrimet e LDK-së për proceset në të cilat po kalon Kosova.
Gjithashtu kryetari Mustafa e falënderoi BE-në për mbështetjen e vazhdueshme që i kanë dhënë Kosovës në të gjitha proceset shtetformuese.
Znj. Apostolova falënderoi kryetarin Mustafa për mikpritjen dhe inkurajoi LDK-në të vazhdojë të ketë rol konstruktiv në zhvillimin e vazhdueshëm të Kosovës.
I pranishëm në takim ishte edhe Arban Abrashi, anëtar i Kryesisë së LDK-së.
