Kryeministri i Kosovës Ramush Haradinaj u ka bërë thirrje bashkatdhetarëve që kanë të drejtë vote në zgjedhjet për Parlamentin Evropian që të votojnë për kandidatët që janë më të zëshëm në përkrahjen e interesave tona të përbashkëta.
Me theks të veçantë Haradinaj përmes Facebook-ut ka ftuar që të votohen kandidatët e Partive Popullore Evropiane.
Postimi i Haradinajt
Sot me nisjen e zgjedhjeve për Parlamentin Evropian, ftoj bashkëatdhetarët që kanë të drejtë vote në shtetet e Bashkimit Europian të shfrytëzojnë këtë të drejtë dhe të votojnë për kandidatët më të zëshëm në përkrahjen dhe promovimin e interesave tona të përbashkëta, veçanërisht kandidatët e Partive Popullore Europiane. Parlamenti i ri europian do të jetë partner i rëndësishëm për ne në pesë vitet e ardhshme!