Nezir Kraki, ligjërues në Universitetin e Parisit, ka nxjerr disa mësime pozitive nga zgjedhjet evropiane.
Ai ka thënë se ektremistët dhe neonazistët ksenofobë anti Evropë dhe anti SHBA nuk e realizuan ëndrrën e tyre të vitit 1939 dhe se ata pësuan debakël, përcjell Bota sot.
Sipas tij, forcat politike pro Evropë dhe pro zgjerim do vazhdojnë të jenë kryesoret në parlamentin e ri evropian.
Kraki ka komentuar edhe fitoren e shqiptares Arba Kokalari në Parlamentin Evropian, duke thënë se ajo do të mbrojë interesat e Suedisë, por edhe të shqiptarëve.
Sipas tij, tani i mbetet Kosovës, që të lirohet nga “bandat e veta” dhe t’i drejtohet Evropës me synime të qarta.
Postimi i plotë i Krakit:
Disa mësime pozitive nga zgjedhjet evropiane
- ektremistët dhe neonazistët ksenofobë anti Evropë (+anti USA) nuk e realizuan ëndrrën e tyre të vitit 1939. Dmth ëndrrën e Evropës së kombëve që urrehen dhe përfundojnë në luftë.
- ekstremistët e majtë pro serb dhe anti Evropë (+anti USA) në Francë sidomos pësuan debakël brutal. Iu doli boja teorive boshe dhe ideologjive venezueliane n’Evropë.
- forcat politike pro Evropë dhe pro zgjerim do vazhdojnë të jenë kryesoret në parlamentin e ri evropian. Ekstremet e djathta dhe te majta nuk peshojnë shumë përballë të djathtës, liberalëve dhe të majtës klasike.
- partitë në pushtet në Gjermani dhe Francë qëndruan dhe u konfirmuan si solide përkundër klimës aktuale aspak të favorshme. Në Francë partia presidenciale doli e dyta me një pikë diferencë.
- partitë e gjelbërta kanë ngritje gjithandej në Evropë në demokracitë dhe shoqëritë e vetëdijshme. Kjo është pengesa e re e rrymave populiste për vitet e ardhshme. Ngritja e votës ekologjiste dhe rënja e ekstremit te majtë dëshmon faktin se votuesi preferon origjinalin e jo kopjen.
- rezultati i zgjedhjeve në UK nuk ka asnjë domethënje për Evropën sepse britanikët janë humbësit e vetëm në lojën e orkestruar nga një grup psikopatësh politikë të prirë nga Nigel Farage.
- fitoren e Orbanit në Hungari nuk e konsideroj lajm dhe krejt ata që mendojnë se Orbani hungarez e Salvini italian peshojnë n’Evropë nuk e kuptojnë sa duhet rrjedhen e politikave në këtë kontinent.
- një shqiptare në parlamentin e ri evropian si përfaqësuese e njërës nga demokracitë më stabile në Evropë, Suedisë. Normal që ajo do mbrojë së pari interesat e Suedisë por gjasat janë te pakta që ajo të mos interesohet për interesat tona sa herë të votohet apo diskutohet për Ballkanin.
- Evropa vazhdon si Evropë. Ky është lajmi kryesor.
Tash na mbetet neve të ndryshojmë, të dalim nga kurthi i bandave tona dhe t’i drejtohemi Evropës me synime të qarta.
•••
P.s. Ka edhe mësime negative por ato mbesin periferike sipas meje.
