Drita Millaku, deputete e Lëvizjes Vetëvendosje, ka reaguar pas deklaratave të presidentit të Kosovës, Hashim Thaçi, ku foli për bashkimin e Kosovës dhe Shqipërisë në një shtet të vetëm, përcjell “Bota sot”.
Millaku këtë e ka bërë të ditur përmes një postimi në Facebook, ku ka përmendur disa deklarata të presidentit, ku sipas saj, brenda dhjet dite ka pasur ndryshime në deklaratat e tij.
“Demarkim, shkëmbim, ndarje e Kosovës, bashkim i Luginës me Kosovën, bashkim i Preshevës, ndërrim i territoreve, demarkim i lehtë, korrigjim i kufijve, ka marrëveshje, s'ka marrëveshje...”, ka shkurar ajo.
Ndryshe, gjatë ditës së sotme Thaçi ka thënë se, “Po krijohen edhe rrethana të reja që zgjidhja më e mirë do të ishte që të dy parlamentet ai i Kosovës dhe Shqipërisë të nxjerrin deklaratat e nevojshme të vullnetit të popullit të Kosovës dhe Shqipërisë që të jetojmë në një shtet të përbashkët pa kufij”.
Postimi i plotë:
Demarkim, shkëmbim, ndarje e Kosovës, bashkim i Luginës me Kosovën, bashkim i Preshevës, ndërrim i territoreve, demarkim i lehtë, korrigjim i kufijve, ka marrëveshje, s'ka marrëveshje, bashkim kombëtar, ndahet Kosova ,nuk ndahet Kosova.
Këto janë deklaratat e Hashim Thaçit në 10 ditët e fundit.
Definitivisht, këtë njeri duhet dërguar te psikiatri.