Kryeministri i Kosovës, Ramush Haradinaj, ka bërë të ditur se është takuar me ambasadorin britanik, Ruairí O’Connell, ku kanë diskutuar për gjendjen aktuale politike në vend përcjell, “Bota sot”.
Haradinaj këtë e ka bërë të ditur përmes një postimi në Facebook, ku ka shkruar se gjatë këtij takimi ka shprehur përkushtimin e Qeverisë për të fuqizuar angazhimin dhe bashkëpunimin me Britaninë e Madhe në të gjitha fushat e interesit tonë të përbashkët.
Postimi i plotë:
Në takim me ambasadorin britanik Ruairí O’Connell, diskutuam për situatën politike në vend dhe progresin substancial që Kosova ka shënuar në rend e ligj. Shpreha edhe njëherë përkushtimin e Qeverisë për të fuqizuar angazhimin dhe bashkëpunimin me Britaninë e Madhe në të gjitha fushat e interesit tonë të përbashkët.RH
