Nënkryetari i Lidhjes Demokratike të Kosovës, Haki Rugova, njëherësh kryetar i Komunës së Istogut, ka bërë të ditur se ka pritur në zyrën e tij klubin e femrave të hendbollit të kësaj komune, përcjell ‘Bota sot’.
Kryetari Rugova këtë e ka bërë të ditur përmes një postimi në Facebook, ku ka thënë se është nder i madh, që pas fitoreve në garat e kupës dhe shpalljes kampion në Republikën e Kosovës, të shpreh mirënjohjen time dhe ju ka uruar suksese të reja edhe në garat ndërkombëtare.
Postimi i plotë:
Sot në zyrën time, bashkë me bashkëpuntorë takuam KH të femrave Istogu.
Ishte nder i madh, që pas fitoreve në garat e kupës dhe shpalljes kampion në Republikën e Kosovës, të shpreh mirënjohjen time dhe deshirën për suksese të reja edhe në garat ndërkombëtare.
Klubit sot i ndamë shumën prej 9000 euro dhe perkrahja do të jetë e vazhdueshme.
Poashtu, nga trajneri z.Faruk Shala në emër të klubit mora një mirënjohje shumë simpatike.
Istogu është krenar me ju. Suksese
