Deputeti I Partisë Socialdemokrate Faton Topalli, është shprehur i shokuar me sulmin ndaj gruas rome në Ferizaj.
Ai ka thënë se turpërohet që sulmi ndaj saj ndodhi në qytetin e tij, që sipas Topallit, për dekada me radhë është njohur si qytet i tolerancës dhe bashkëjetesës, përcjell Bota sot.
Topalli ka kërkuar nga Ministria e Punëve të Brendshme që të ndërmarr të gjitha hapat për t’i siguruar qytetarës së Kosovës integritetin fizik, të cënuar nga keqadashës që , sipas tij, nuk i bëjnë nder shoqërisë në Kosovë.
Reagimi i plotë i Topallit:
Ndjehem i shokuar për atë që sot i ndodhi për herë të dytë një qytetare me përkatësi rome nga komuna e Lipjanit. Turpërohem që kjo i ndodhi në Ferizaj, në qytetin tim që për dekada me radhë u njoh si qytet i tolerancës dhe bashkëjetesës. Por sot dështuam edhe si shoqëri shumicë, si qytet, por edhe si sitem i sigurisë. Sot kërkoj si qytetar, por edhe si deputet i Kuvendit të Kosovës nga Ministria e Punëve të Brendëshme që të ndërmarr të gjitha hapat për t’i siguruar qytetarës së Kosovës integritetin fizik, të cënuar nga keqadashës që nuk i bëjnë nderë shoqërisë sonë. Jam i vetëdishëm që policia nuk mund të siguroj çdo qytetar dhe në çdo moment, por ajo duhet të ket ndjesinë për të reaguar kur rreziku është evident.