Kryetari i Lidhjes Demokratike të Kosovës Isa Mustafa, ka pritur sot në takim Ambasadoren e Finlandës në Kosovë, Pia Stjernvall.
Sipas komunikatës së lëshuar nga kjo parti, në takim Mustafa e ka njoftuar ambasadoren për qëndrimet e LDK-së në lidhje me situatën aktuale politike.
Ndërkaq, ambasadorja Stjernvall, ka vlerësuar rolin konstruktiv të LDK-së në proceset e Kosovës.
Ndryshe, Mustafa ditëve të fundit ka pasur takime të shumta me ambasadorë të shteteve mike, pas bashkimit me partitë opozitare, për të iniciuar mocionin për rrëzimin e qeverisë aktuale.
Komunikata e LDK-së:
Gjatë ditës, kryetari i LDK-së, Isa Mustafa ka mirëpritur në takim Ambasadoren e Finlandës në Kosovë, Pia Stjernvall.
Kryetari Mustafa e njoftoi Ambasadoren Stjernvall në lidhje me qëndrimet e LDK-së për situatën aktuale politike.
Poashtu, kryetari Mustafa e falënderoi shtetin e Finlandës për mbështetjen e vazhdueshme që i ka dhënë Kosovës.
Gjatë takimit u diskutua për zhvillimin ekonomik dhe bashkëpunimin e mëtutjeshëm me Finlandën.
Ambasadorja Stjernvall falenderoi kryetarin Mustafa për pritjen dhe vlerësoi rolin konstruktiv të LDK-së në proceset e Kosovës. Njëkohësisht, rikonfirmoi zotimin e shtetit të Finlandës për përkrahjen e Kosovës në procesin e integrimit në Bashkimin Evropian.
Të pranishëm në takim ishin, ish-zëvendësministri Bajram Gecaj dhe zëdhënësi Besian Mustafa.
