Lideri radikal serb Vojislav Sheshel, ka kërcënuar se do të vijë në Kosovë i armatosur.
Por, Jetlir Zyberaj, këshilltar i ministrit të Punëve të Jashtme Behgjet Pacolli, ia ka kujtuar Sheshelit, se ai gjendet në listën e personave që e kanë të ndaluar hyrjen në Kosovë, përcjell Bota sot.
Zyberaj ka thënë se Shesheli është një person non-grata në Kosovë për gjuhën e tij të urrejtjes dhe raciste kundër popullit të Kosovës dhe mbështetjen që ai u ka dhënë kriminelëve të luftës në vitet '90.
Ai ka bërë të ditur se çdo kërkesë nga Shesheli do të refuzohet.
Ndryshe, në listën e personave të cilëve Qeveria e Kosovës ua ka ndaluar hyrjen në Kosovë janë: kryeministrja serbe Ana Brnabiq, ministri serb i Mbrojtjes, Aleksandar Vulin, ish shefi i Shtabit të Përgjithshëm të Ushtrisë Serbe, Nebojsha Dikoviq dhe lideri i Partisë Radikale Serbe, Vojislav Sheshel (i dënuar nga Tribunali i Hagës për krime lufte).
Reagimi i Zyberajt:
Vojslav Sheshelj është një person non-grata në Kosovë për gjuhën e tij të urrejtjes dhe raciste kundër popullit të Kosovës dhe mbështetjen që ai u ka dhënë kriminelëve të luftës në vitet '90.
Është e tmershme që drejtësia ndërkombëtare nuk ka dënuar atë dhe ai është sot vetem një mbetje e ideologjisë ultranacionaliste të Serbisë të 90-ve.
Politikan si Sheshelj, Brnabiç, Vulin, Stefanoviç dhe të tjerë që e njohin vetëm urrejtjen dhe racizmin si një qëllim politik do të marrin përgjigjen e duhur nga Kosova.
Atyre nuk do t’i lejohet hyrja dhe çdo kërkesë nga ata do të refuzohet.
Autoritetet tona do të veprojnë bazuar në këtë vendim.