Zëvendëskryeministri dhe ministri i Punëve të Jashtme të Kosovës, Behgjet Pacolli, në përfundim të muajt të Ramazanit, ka thënë se qëllimi i agjërimit ka qenë i thjeshtë e fisnik, ngase, sipas tij, forcon lidhjen me besim në Zot, përcjell “Bota sot”.
Pacolli këtë e ka bërë të ditur përmes një postimi në Facbook ku ka uruar Festën e Fitër Bajramit dhe ka shkruar “Paqi një ditë të Bajramit për tu mbajtur mend gjatë, ashtu sikurse mbahen mend edhe veprat e mira gjatë këtij muaji që po lëmë pas”.
Postimi i plotë:
Sonte përfundoi muaji i Ramazanit. Qēllimi i agjerimit ka qenë i thjeshtë e fisnik, ai i forcimit të lidhjes dhe besimit të njerëzve në Zot, freskimi dhe forcimi i lidhjeve farefisnore, forcimi i lidhjeve sociale, forcimi i përkrahjes së njeriut për njeriun. Nga ky muaj shoqëria ka dalë më e fortë dhe më e begatë.
Paqi një ditë të Bajramit për tu mbajtur mend gjatë, ashtu sikurse mbahen mend edhe veprat e mira gjatë këtij muaji që po lëmë pas.
Nga thellësia e zemrës ju uroj me Fat Fitër Bajramin.
Zoti ju bekoftë!