Në këtë ambient ditën e Bajramit kishte ndodhur një skenë jo fort e zakontë. Dy të rinj banorë të fshatit Staradran e sollën një person këtu.
Ata dyshohet se e kishin kidnapuar një burrë nga Mitrovica të cilin e kishin lidhur në këtë ahur.“
E krejt jo ngjarje dyshohet se kishte ndodhur pasi që personi me inicialet G.B nga Mitrovica, kishte mashtruar Abedin Mavrajn.
Ky i fundit u arrestua një ditë më parë nga Policia e Kosovës.
Por, familjarët e tij thonë se djali i tyre e kishte bërë këtë gjest pasi si burri nga Mitrovica nuk i kishte qëndruar fjalës.
Madje ata thonë se familja e tyre është palë e dëmtuar.
“Neve në shtator naj kanë vjedh lopt edhe kerrin edhe qëky mitrovicës i ka thanë vllaun tem qe ja ka gjet vec duhet me ja pru do pare. Ky i ka marre paret edhe kurre nuk u lajmeru mo”
Lendita Mavraj, thotë se nuk e dine se ne çfarë rrethanash ishte njohur i vëllai i saj me mitrovicasin.
Ajo nuk e din as se si kushëriri i tyre Gazmend Mavraj ishte përfshirë në këtë rast ku bashkë me Abedin Mavrajn, dyshohet se e kishin lidhur në ahur personin nga Mitrovica.
Ndërkohë, me rastin është duke u marrë edhe prokuroria e Pejës.
Nga organi i akuzës në këtë qytet tregojnë që në mbajtje janë dërguar tre persona.
I ndaluar është edhe vet personi që dyshohet se ishte lidhur në ahur me inicialet G.B.
Nikçi tregon që gjatë bastisjes së Policisë së Kosovës në shtëpinë e njërit prej të akuzuarve është gjetur edhe armë zjarri.
E kjo armë është gjetur pikërisht në shtëpinë e Gazmend Mavrajt.
Policia e Kosovës respektivisht stacioni rajonal i Pejës janë dukë përgatitur lëndën për në prokurori të cilët edhe do kërkojnë masën e paraburgimit prej një muaj për tre të dyshuarit.
