Në Agjencinë Antikorrupsion, përveç liderëve të institucioneve pasurinë e kanë deklaruar edhe deputetët e Kuvendit të Kosovës.
Edhe deputeti më i vjetër i Kuvendit të Kosovës, aktori Adem Mikullovci ka deklaruar pasurinë e tij.
Ai ka deklaruar shtëpinë e tij në vlerë prej 90 mijë eurove të cilën e ka blerë nga shitja e banesës dhe kredia, veturen “Peuget 106” të cilën e ka blerë në vitin 2015 dhe që e vozitë bashkëshortja e tij.
Kurse, në krahasim me kolegët e tij, Mikullovci ka pak para në bankë, ai ka deklaruar vetëm 2,800 euro në një nga bankat në Kosovë.
Të hyrat vjetore si deputet i Kuvendit të Kosovës, Mikullovci i ka deklaruar mbi 24 mijë euro.
