Botuesi i gazetës kombëtare “Bota sot” Xhevdet Mazrekaj, ka publikuar një shkrim të Rexhep Qosjes të botuar në vitin 1980 në gazetën “Rilindja”.
Në këtë shkrim, Qosja i kishte thur elozhe liderit të ish-Jugosllavisë Josip Broz Tito, pas vdekjes së tij.
Mazrekaj në postimin e tij në Facebook, ka thënë se Qosja ka qenë një ithtar i titizmit dhe kjo, sipas tij, dëshmohet në shkrimet e tij.
Mazrekaj ka treguar se gjyshi i tij e kishte vrarë një partizan serb të Titos në luftën e Junikut dhe për këtë kishte shkuar në burg në Nish.
Ai u ka dërguar porosi të gjithë atyre që e lidhin me komunizëm, duke iu sugjeruar që t’i pyesin “baballarët e tyre ideologjik” se nga e kanë prejardhjen.
Më poshtë reagimi i plotë i Mazrekajt:
Ky ishte shkrimi i Rexhep Qoses në vitin 1980 pas vdekjes së Titos në gazetën “Rilindja”
Shihni se si Rexhep Qosja, i thur elozhe liderit të ish-Jugosllavisë, Josip Broz Tito.
Rexhep Qosja ka qenë një ithtar i titizmit dhe kjo dëshmohet në shkrimet e tij.
“Tito e ka udhëhequr dhe e ka sjellë deri në triumf përfundimtar Luftën Nacionalclirimtare të popujve të Jugosllavisë – ja një meritë e mjaftë historike për të gjitha kohërat.
Tito e ka udhëhequr dhe e ka sjell deri në triumf përfundimtar luftën që ka përmbysur monarkinë, duke i hapur rrugën ngadhnjimit të socializmit – ja një meritë tjetër e mjaftë për historinë.
Tito na ka udhëhequr shtigjeve të vetëqeverisjes socialiste, të barazisë, vëllazërimit e bashkimit, bashkëjetesës së kombeve dhe kombësive – ja një meritëtjetër e jashtëzakonshme historike.
Tito i ka prirë idesë së madhe që i reziston presionit të fuqive të mëdha e që sot njihet si ide e mosinkuadrimit – ja edhe një meritë tjetër, aq e madhe, aq vendimtare në historinë e përbotshme”.
P.S: Sa për informacion, gjyshi im e ka vrarë një partizan serb të Titos në luftën e Junikut dhe për këtë ka shkuar në burg në Nish.
Disave që na quajnë komunistë iu sugjeroj t'i pyesin “baballarët e tyre ideologjik” se nga e kanë prejardhjen!
Djathtizmi me komunizmin nuk ka lidhje!