Prindërit nuk e duan shtatoren e Adem Jasharit afër shkollës së fëmijëve në Fushë Kosovë - Bota Sot
Prindërit nuk e duan shtatoren e Adem Jasharit afër shkollës së fëmijëve në Fushë Kosovë

Aktuale

Prindërit nuk e duan shtatoren e Adem Jasharit afër shkollës së fëmijëve në Fushë Kosovë

Më: 11 qershor 2019 Në ora: 21:02
Adem Jashari

Në përvjetorin e 20 të çlirimit të vendit, Komuna e Fushë Kosovës do të vendosë gurthemelin për shtatoren e Komandantit Adem Jashari në sheshin afër shkollës “Selman Riza”.

Megjithatë, kundër vendosjes së kësaj shtatoreje në këtë park janë shprehur disa prindër të nxënësve që ndjekin mësimet aty, raporton KTV.

Isen Barbatovci thotë se fëmijët nuk kanë vend tjetër pos këtij parku, pasi çdo gjë në këtë komunë është betonuar.

Ai madje thotë se është i gatshëm ta lëshojë një pjesë të parcelës së tij afër Qendrës së Kulturës për ta vendosur këtë shtatore.

Kundër këtij vendimi është edhe PDK-ja në këtë komunë. Ata thonë se nuk e dinë që kjo pjesë është shndërruar në park nga komuna, duke shtuar që kjo komunë e ka parkun e lirisë dhe aty ka më shumë hapësirë.

Por, në Komunën e Fushë Kosovës thonë se ky ka qenë vendim unanim i Kuvendit Komunal në shtator të 2018-ës.

Edhe Organizata së Veteranëve të Luftës në këtë komunë është kundër këtij vendimi, duke thënë se ka vend më të përshtatshëm për këtë shtatore se sa afër shkollës.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...