Presidenti i Komisionit Evropian Jean-Claude Juncker, ka thënë se nëse Beogradi dhe Prishtina nuk i zgjidhin marrëveshjet mes vete, nuk ka hyrje në Bashkim Europian, për asnjërën palë
“Unë kam qenë gjithmonë në favor të një dialogu konstruktiv midis Serbisë dhe Kosovës. Nuk jam i kënaqur që ky proces nuk po ecën në drejtimin e duhur”, tha Junker në një konferencë shtypi me Kryeministrin Edir Rama duke iu përgjigjur pyetjes së Tanjug nëse ai mendon se deri në skadimin e mandatit aktual të KE mund të bëjë përparim në dialog.
Ai u kërkoi Beogradit dhe Prishtinës të kenë më shumë njohuri për pozitën e palës tjetër.
“Nëse kjo mosmarrëveshje midis Serbisë dhe Kosovës nuk zgjidhet, askush nuk do të ketë mundësinë për t’u bërë anëtare e BE.
Ne nuk duam të imponojmë paqëndrueshmëri në BE, ne duam të eksportojmë stabilitet në këto vende apo çfarëdo që ju e quani atë “, përfundoi Junker.
Kujtojmë se Junckerit, i skadon mandati tash me zgjedhjet që pritet të mbahen në parlament europian.
