Clark: Kurdo që Putinit i nevojitet mund të provokojë krizë në Ballkan - Bota Sot
Clark: Kurdo që Putinit i nevojitet mund të provokojë krizë në Ballkan

Aktuale

Clark: Kurdo që Putinit i nevojitet mund të provokojë krizë në Ballkan

Më: 12 qershor 2019 Në ora: 23:09
Wesley Clark

Gjenerali amerikan, Wesley Clark, ka thënë se Ballkani është një nga rajonet të cilin presidenti i Rusisë, Vladimir Putin, mund ta shndërrojë në krizë.

Gjatë intervistës për RTK-në, gjenerali amerikan në pension Wesley Clark ka folur për ate se a ekziston rreziku nga ndonjë luftë e re në Ballkan. 

"Mendoj se Ballkani momentalisht ndihmohet nga prania e KFOR-it në Kosovë. Mendoj se ky është një përkushtim i rëndësishëm i vazhduar që ka NATO. Por, aktualisht rusët kanë ndërtuar një bazë në Nish të Serbisë. Ata thonë se është për veprimtari humanitare, por ajo posedon komandën dhe kontrollin  e nevojshëm për të bërë çdo gjë tjetër që mund të bëhet. Së voni presidenti Putin ishte në Serbi, ku si e dini, u prit si hero! Serbia blenë teknologji ushtarake ruse! Por, edhe pse është e rrethuar nga NATO, nuk ekziston ndonjë rrezik i mundshëm për Serbinë në këtë moment nga NATO. Dua të them, ne shpresojmë që Serbia të bëhet pjesë e Evropës bashkëkohore, e Bashkimit Evropian dhe ndoshta një ditë të bëhet pjesë e NATO-s së bashku me Kosovën. Prandaj, shtrohet pyetja, për çfarë është e tërë kjo, dhe e tërë kjo ka të bëjë me Z. Putin i cili ka një mundësi. Është sikurse një krizë në pritje. Është një moment, dhe kurdo që atij i nevojitet të ketë një krizë, ai e fillon krizën. Ndoshta këtu, ndoshta në Ukrainë, ndoshta në vendet Baltike", është shprehur Clark.

Shfaq komentet
comments powered by Disqus
Sot mund të lexoni Shfletoni kopertinat
Sondazh Pas votimit të projektligjeve për shndërrimin e FSK-së në ushtri, a mund të ketë inskenime nga Serbia për një luftë të re në Ballkan?
Loading...