Lidhja Demokratike e Kosovës, në këtë vit është duke i mbajtur zgjedhjet e brendshme të cilat po kalojnë me probleme të shumta.
Të paktën nëpër media dhe disa video të publikuara po shihet se brenda LDK-së ka një përçarje edhe pse krerët e saj po e mohojnë një gjë të tillë.
Ish-mjeku i UÇK-së, Liri Loshi thotë se LDK-ja ka dy armiq.
Ai përmes një postimi në Facebook, shprehet se, kajta e madhe dhe mundësia e vogël në LDK po e fut në ngatërresa këtë parti.
“Janë dy armiq që po e fusin në ngatërresa LDK-në. E para quhet Kajta e Madhe. E dyta quhet Mundësia e Vogël. Gjithnjë sipas tregimit për ngatërresën e dy vëllezërve për retë që dukeshin si dele dhe për qiellin që dukej si livadh. Nuk di një parti tjetër politike që krejt jetën e ka kaluar me ëndrra dhe që falë ëndrrave ende mbijeton!”, shkruan Loshi, transmeton gazeta “Bota sot”.